一郎 (已結業)

位於尖沙咀既新拉麵店 一郎 來自東京渋谷，以豚骨湯底為主打，除左四款招牌拉麵君之外，仲會不時更新限定口味😍新開業期間消費滿$100會有限量扭蛋機會一次，豐富獎品包括即場請你免費食一碗拉麵🤑今次同老公到訪抽中左免費小食，可以下次再黎食過！🔸黑郎君黑郎君係特製黑蒜拉麵，濃厚豬骨湯底加上黑蒜油同蒜片，一上枱已經香氣滿溢，入口味道更加濃郁，係重口味之選！黑郎君配上日本出產粗麵，軟硬度可以自己選擇，加上三塊半熟叉燒、半隻溏心蛋同兩塊紫菜，又飽肚又滿足🥰🔸柴郎君柴郎君個名咁有趣，原來係鰹魚醬油拉麵🐟湯底同黑郎君截然不同，係一個清澈魚介湯頭，以醬油提升鮮味，好味程度唔輸比招牌豚骨湯底。幼麵掛湯能力足夠，上面除左以上配料仲有細細條沙甸魚，味道更加濃厚！🔸唐揚炸雞、羽根餃子食拉麵唔少得嗌埋小食，唐揚炸雞炸粉夠薄，肉質偏瘦所以無油膩感；羽根餃子入面菜肉份量平衡，自己一個食得晒一碟！🔸靜岡抹茶可樂、Sapporo樽裝啤酒呢度除咗汽水都有唔同飲品選擇，有酒鬼必備樽裝啤酒，亦有特色飲品 - 波子汽水、靜岡抹茶可樂等等，好有日本風味！