一遊

营业中

休息中

📍一遊 🔍尖沙咀諾士佛臺1號4樓-----木製枱凳、暗黃燈光、榻榻米座位，加上店員穿着和服及木屐，整個餐廳，每一個裝潢細節都散發着江戶時代的日本氣息。餐牌選擇頗多，由串燒、壽司、卷物、天婦羅、日式小食等等都有，不過今次係過嚟同朋友happy hour就淨係叫少少小試牛刀。豚肉烏冬好足料，烏冬煙靭彈牙，加上大量肉脂豐腴嘅豚肉，看似小小的一碗，其實幾飽足。🍢燒雞皮蝦Grilled prawn roll with chicken skin大大隻蝦肉緊實彈牙，加上薄脆燒雞皮，口感甚佳，而蝦肉亦帶有少許肉脂香氣，好特別。🍢豚肉車厘茄串Grilled pork and tomato豚肉薄薄的一層包裹著車厘茄，入口有爆汁感，酸甜開胃。🍢雞肉京蔥串Grilled chicken with spring onion雞肉質感柔嫩，京蔥索去部分雞油，令雞肉油膩感大減之餘，亦帶有少許京蔥的清新氣息。🍢豚肉蘆筍串Grilled pork and asparagus經典清新的配搭，兩者互相平衡底下，令人多吃也不會覺得膩，而且蘆筍嫩口無渣，食材選得不錯。