影片
更多
2023-06-26
532 浏览
講起九龍區去飲去玩去劈嘅地方，相信好多人第一時間都會諗起尖沙咀諾士佛臺🍸 之前同朋友去咗諾士佛臺樓上嘅咕嚕咕嚕Gulu Gulu飲嘢，感覺都唔錯😚 無論想飲酒食嘢，定係想劈酒不醉無歸都得🍻🌃 環境 (4/5)Gulu Gulu喺諾士佛臺10號嘅大廈裏面，一路穿過地下嘅酒吧行到條街中後段嘅位置就會見到招牌😆 酒吧都幾大間，一入到去就見到大大個紅色霓虹燈Gulu Gulu招牌同埋擺滿酒嘅牆🍷 中間仲有beer pong枱同桌球枱，劈酒一流🎱 😋 食物 (4/5)🐔 南部雞雞脾肉 $55🍗 免治雞肉棒 $55🦆 大蔥鴨胸串 $58🧀️ 芝士年糕 $68🦑 避風塘魷魚鬚 $88🍸 Echo Pie $148我同朋友主要都係想飲吓嘢傾吓計，Gulu Gulu嘅串燒menu就啱晒我哋🍢 可以飲住酒食幾串過吓口癮😚呢度所有串燒嘅價錢都係一份兩串，好抵食💵 南部雞雞脾肉燒到表皮油潤有光澤，令人食指大動😛 雞肉燒得啱啱好唔會過老，味道都夠鹹香🍗免治雞肉棒同居酒屋食嘅月見雞肉棒味道有啲似，鹹中帶少少甜，不過就無生蛋黃同雞軟骨粒🥚大蔥鴨胸串嘅鴨胸幾厚肉🦆 食完咁多肉食舊大蔥轉下口味都唔錯😚芝士年糕同居酒屋/放
🌃 環境 (4/5)
Gulu Gulu喺諾士佛臺10號嘅大廈裏面，一路穿過地下嘅酒吧行到條街中後段嘅位置就會見到招牌😆
酒吧都幾大間，一入到去就見到大大個紅色霓虹燈Gulu Gulu招牌同埋擺滿酒嘅牆🍷 中間仲有beer pong枱同桌球枱，劈酒一流🎱
😋 食物 (4/5)
🐔 南部雞雞脾肉 $55
🍗 免治雞肉棒 $55
🦆 大蔥鴨胸串 $58
🧀️ 芝士年糕 $68
🦑 避風塘魷魚鬚 $88
🍸 Echo Pie $148
我同朋友主要都係想飲吓嘢傾吓計，Gulu Gulu嘅串燒menu就啱晒我哋🍢 可以飲住酒食幾串過吓口癮😚
呢度所有串燒嘅價錢都係一份兩串，好抵食💵 南部雞雞脾肉燒到表皮油潤有光澤，令人食指大動😛 雞肉燒得啱啱好唔會過老，味道都夠鹹香🍗
免治雞肉棒同居酒屋食嘅月見雞肉棒味道有啲似，鹹中帶少少甜，不過就無生蛋黃同雞軟骨粒🥚
大蔥鴨胸串嘅鴨胸幾厚肉🦆 食完咁多肉食舊大蔥轉下口味都唔錯😚
芝士年糕同居酒屋/放題食到嘅年糕一樣，好cheesy好有咬口🧀️ 出面包住一塊紫菜食令成件事好有儀式感🍘
除咗串燒之外我哋仲嗌咗個小食餸酒😋 避風塘魷魚鬚有好多炸蒜粒，好惹味🦑 不過炸蒜粒略嫌有啲硬，如果整體再脆啲同熱啲會更好～
Gulu Gulu都有幾多Cocktail選擇🍸 試咗杯佢地嘅signature cocktail Echo Pie🍹 呢杯cocktail以apple gin做base再加入sour apple liquor同apple juice🍎 上面再加少少肉桂粉點綴～ 整體好甜好似飲緊果汁咁，鍾意甜身cocktail嗰就啱晒啦🥳
💰 價錢 (4/5)
Average price $250-300/pp
因為我哋去嗰日係假期前夕，所以啲食物酒水都係正價💰 如果平日黎嘅話串燒有唔同嘅優惠，抵食好多㗎🍢
张贴
