川婆婆 (寶勒巷) (已結業)

川婆婆開咗係呢個位都幾多年下，每次行去尖東都會見到佢條好搶眼嘅紅色樓梯，幾吸睛。以前係佢度食開小菜多，今次試下打邊爐，lunch都有得打。100分鐘茶底辣鹵串串火鍋放題✨新鮮農場靚牛串串套餐呢個set勁豐富，肉類方面我地揀咗牛頸脊同牛小排，牛肉嘅油花分布平均，又唔會薄到紙咁，有口感。放題仲送海鮮拼盤，有鮑魚、蟶子、蜆同埋蝦，好新鮮，索埋麻辣湯底好正。火鍋係鴛鴦湯底，茶底麻辣鍋同埋養生菌王雞湯，養生湯非常足料，勁多雞同菌王。加湯唔係水/雞湯，而係花茶，唔怪之得幾香。2款湯底都好香濃，唔另外點醬汁都夠晒味。set仲送埋雞煲，好香麵豉醬味，雞件又多肉，又有唔少洋蔥，香口。自助區有好多串串，有牛有羊，用肉片卷住金菇、韭菜，幾得意。淥個陣又可以直接拎住竹籤，方便。仲有好多打邊爐必備嘅丸同埋蔬菜。