剛好走經金巴利道，
小雨推動的緣分，
就係咁隨興入咗呢間Mr. MAKI。
環境屬充滿玩味既美式快餐餐廳格局，
主打日式創意卷物，
滿有fusion感覺。
有Poke bowl 或者壽司roll選擇。
4
壽司roll 比較特別，全部名都充滿玩味，好funny。
欣賞佢仲有vegetarian roll，
啱素食者💚👍
🍣"魚全部都係魚"
=吞拿魚拖羅+三文魚+蟹子+脆脆。
佢主要係由下面既三文魚卷、上面鋪滿好豐富嘅吞拿魚蓉同拖羅而組成。
吞拿魚蓉同刺身都幾多。
🍤 芒果戀上蝦
=牛油果+芝士+炸蝦
如果係小朋友嘅話,可以要求走辣，
成個配搭清新，感覺亦比較健康。
套餐包日式沙律+罐裝飲品，
仲可以揀小食:炸雞/薯條/蕃薯薯條/叉燒醬油烏冬。
所選叉燒醬油烏冬，除咗叉燒之外，仲有魚片、腐皮、紫菜、粟米。
飲品除咗罐裝茶之外,仲有汽水或者梳打選擇。
如果選sapporo支裝啤酒都只係+16蚊。
結論覺得成個set幾豐富!
有沙律、卷物、小食同飲品，
日式西式fusion既創意卷物+美式份量（即係好大份！）🤣
性價比高!
ps.仲可以做會員儲分💕
