哲平食堂

营业中

休息中

最近尖沙咀個頭有一個 chiikawa 既展覽，行完係時候要醫肚，正好醒起呢頭有一間 日式丼飯專門店， 過嚟快手食個飯先！招牌海鮮丼 $78 叫咗個招牌海鮮丼飯，揀咗醋飯，醬汁係香辣蛋黃醬，食材有三文魚籽、鰻魚、三文魚、小貝柱、八爪魚、吞拿魚、蝦、玉子、青瓜，材料豐富，醬汁香辣蛋黃醬確實有一定辣度，加入丼飯入面反而突顯出海鮮丼飯嘅鮮甜。炙燒三文魚明太子丼 $80另外叫多咗個炙燒三文魚明太子丼，叫咗半白飯半菜底同埋揀咗和風沙律汁。炙燒三文魚鋪喺面，最面頭就淋上明太子。炙燒三文魚香氣明顯，但又不失魚肉本身的滑溜口感，本身三文魚同明太子都好夾，再加埋沙律底同埋醬汁就好清爽。醬油炙燒三文魚 $38醬油炙燒三文魚一共有三件，三文魚魚肉同丼飯一樣口感嫩滑，因為加咗醬油嘅緣故，多咗醬油香氣，食落又有另一番滋味。