影片
更多
2021-06-28
131 浏览
近期食得多肉想清下腸胃，但又想出街食飯，咁啱朋友介紹尖沙咀有間素食Cafe唔錯，見過簡介好似好chill咁，所以就約埋一齊去食。其實店舖咗係幾年前已經開咗，以前返工嘅時候成日經過，經過咁多次之後終於可以一試。雖然係素食Cafe,環境光猛，入座時基本都坐滿，相信出品應該唔錯。Meun 上面前菜、小食、主菜、甜品同飲品好多選擇。最後揀咗忌廉牛肝菌素肉碎闊條麵，普羅旺斯燉菜薄餅，抹茶latte同青檸薄荷烏龍。忌廉牛肝菌素肉碎闊條麵非常有驚喜嘅一道菜，忌廉mix埋牛肝菌嘅醬汁好香濃，再加上數素肉碎食落都比較似真嘅肉，令到非素食者都非常之容易接受。另外闊條麵比較厚身，咬落去口感非常之好，同牛肝菌嘅醬汁非常之夾。實屬驚喜之作。普羅旺斯燉菜薄餅街外好少見到呢款口味pizza,批底係薄批，脆口之外厚薄適中，入口有少少煙韌，燉菜係啲蕃茄蔬菜，非常之健康，加埋適量嘅芝士，太好味關係之下同朋友好快食哂一個Pizza😂抹茶latte抹茶好香，入口清香濃滑，牛奶可轉咗做豆奶，更加健康，適合但蛋奶素嘅朋友青檸薄荷烏龍青檸烏龍茶除咗帶有微酸嘅味道之外，店家仲落咗羅勒條，除左茶味香濃外，羅勒仲帶起咗更多香氣，飲落去更
其實店舖咗係幾年前已經開咗，以前返工嘅時候成日經過，經過咁多次之後終於可以一試。
雖然係素食Cafe,環境光猛，入座時基本都坐滿，相信出品應該唔錯。
Meun 上面前菜、小食、主菜、甜品同飲品好多選擇。最後揀咗忌廉牛肝菌素肉碎闊條麵，普羅旺斯燉菜薄餅，抹茶latte同青檸薄荷烏龍。
忌廉牛肝菌素肉碎闊條麵
非常有驚喜嘅一道菜，忌廉mix埋牛肝菌嘅醬汁好香濃，再加上數素肉碎食落都比較似真嘅肉，令到非素食者都非常之容易接受。另外闊條麵比較厚身，咬落去口感非常之好，同牛肝菌嘅醬汁非常之夾。實屬驚喜之作。
普羅旺斯燉菜薄餅
街外好少見到呢款口味pizza,批底係薄批，脆口之外厚薄適中，入口有少少煙韌，燉菜係啲蕃茄蔬菜，非常之健康，加埋適量嘅芝士，太好味關係之下同朋友好快食哂一個Pizza😂
抹茶latte
抹茶好香，入口清香濃滑，牛奶可轉咗做豆奶，更加健康，適合但蛋奶素嘅朋友
青檸薄荷烏龍
青檸烏龍茶除咗帶有微酸嘅味道之外，店家仲落咗羅勒條，除左茶味香濃外，羅勒仲帶起咗更多香氣，飲落去更加香
偶然有一次素食之旅，諗唔到唔覺意去咗一間咁高質嘅素食cafe，出品水準實屬驚喜之外，服務員姐姐都好親切同有禮，絕對值得再次幫襯。
张贴
