餐廳裝潢簡潔時尚，坐位寬闊，而且加入酒吧吧枱、雞尾酒等西式元素
可以一邊品嚐潮州打冷，一邊品嚐美酒，必定是潮人聚餐之選
菜式除左必食打冷、傳統潮洲菜式及其他中式小菜外，仲有足料燉湯不可不試
1
1
食物方面:
野生石橄欖燉鮮鮑 : 湯底加入石橄欖、豬肉、瑤柱做配料，鮮甜清香入味，鮑魚大隻得來又嫰滑煙韌，美味嘅燉湯
滷水墨魚 : 墨魚份量十足，口感彈牙夠煙韌，再配埋嫩滑滷水豆腐，最鐘意食潮洲打冷菜之一
話梅凉瓜 : 凉瓜用鹽醃去掉苦味，再用話梅出味及冰糖溶化為醬汁，清熱消暑
1
椒鹽白飯魚 : 白飯魚炸至金黃色，入口脆卜卜，略帶椒鹽香，可口惹味唔油膩
欖菜焗虎蝦 : 虎蝦夠大隻，炸得非常香口，肉質爽彈，再用欖菜一齊焗，欖菜的咸香味增進食慾
方魚炒芥蘭 : 芥蘭爽脆清甜，入口鮮嫩，再配埋炸到香脆金黃嘅方魚碎，配埋一流
層出不同 : 賣相精緻，色彩繽紛，頂層係紫椰菜，炒飯炒得粒粒分明，再配埋蜆肉、蝦乾、炸芋頭、咸肉等配料，口感夠曬豐富
