影片
更多
2022-10-31
568 浏览
位於漆咸道南新開左冇幾耐嘅新竹園軒精點粵菜，原來是舊陣時位於漢口道竹園海鮮飯店嘅同一班底，食過嘅朋友都知道水準甚高，質素一定有保證，而且價錢合理，中午下午茶主打即叫即包點心，晚市就有小菜，海鮮，鮑參翅肚………多種菜式選擇，豐儉由人，任君選擇👍🏻👍🏻酒家裝修非常雅致，設有大廳二人至八人枱，另有多間包房，幾多人嚟食都冇問題，參觀餐廳期間見到大大個魚缸，放咗好多新鮮生猛嘅海鮮，想知道當日有啲乜嘢海鮮係最時令，記得問非常健談嘅經理，就一定食到好嘢😋😋🫕▪️杏汁燉豬肺湯這個天氣飲到這個湯，最適合不過，大家都知道要煲豬肺湯是一件非常麻煩嘅事，亦都唔係好多飯店有提供，呢個湯喺呢度最馳名，杏汁湯味道非常濃郁，好滋潤，經理說燉咗好多個鐘先會有呢個效果，另外湯料有雞腳，豬肉，豬肺都好好食，好喜歡這個湯🍲▪️紅燒雞絲翅久違了的美食，一般都係去飲先食得到，這裏可按人頭每位點，實在太開心，雞絲和翅份量非常多，雞湯湯頭好濃郁，每一啖都材料滿滿，配合芫荽和香醋，更加好味🥒▪️手拍青瓜 開胃前菜，青瓜好爽脆，配合手切蒜蓉，麻辣香油，少少辣，好惹味🦐▪️豉油王煎中蝦中蝦非常新鮮，外殼香脆，可以連埋殻一齊食，蝦肉爽口彈牙，豉油王
位於漆咸道南新開左冇幾耐嘅新竹園軒精點粵菜，原來是舊陣時位於漢口道竹園海鮮飯店嘅同一班底，食過嘅朋友都知道水準甚高，質素一定有保證，而且價錢合理，中午下午茶主打即叫即包點心，晚市就有小菜，海鮮，鮑參翅肚………多種菜式選擇，豐儉由人，任君選擇👍🏻👍🏻
酒家裝修非常雅致，設有大廳二人至八人枱，另有多間包房，幾多人嚟食都冇問題，參觀餐廳期間見到大大個魚缸，放咗好多新鮮生猛嘅海鮮，想知道當日有啲乜嘢海鮮係最時令，記得問非常健談嘅經理，就一定食到好嘢😋😋
🫕▪️杏汁燉豬肺湯
這個天氣飲到這個湯，最適合不過，大家都知道要煲豬肺湯是一件非常麻煩嘅事，亦都唔係好多飯店有提供，呢個湯喺呢度最馳名，杏汁湯味道非常濃郁，好滋潤，經理說燉咗好多個鐘先會有呢個效果，另外湯料有雞腳，豬肉，豬肺都好好食，好喜歡這個湯
🍲▪️紅燒雞絲翅
久違了的美食，一般都係去飲先食得到，這裏可按人頭每位點，實在太開心，雞絲和翅份量非常多，雞湯湯頭好濃郁，每一啖都材料滿滿，配合芫荽和香醋，更加好味
🥒▪️手拍青瓜
開胃前菜，青瓜好爽脆，配合手切蒜蓉，麻辣香油，少少辣，好惹味
🦐▪️豉油王煎中蝦
中蝦非常新鮮，外殼香脆，可以連埋殻一齊食，蝦肉爽口彈牙，豉油王調味適中，鹹香鮮美😋
🐷▪️秘製欖角骨
豬肉用上好高質素梅頭肉，半肥瘦肉質鬆軟，欖角本身味帶鹹香，同時又蘊含絲絲甜味，肉身軟滑，容易切或剪成小粒，配合肉類非常好味，醬汁是蜜糖醬油，味道非常合拍，一試愛上
🐠▪️勝瓜蝦乾魚鰾煮東星班
一見到乳白色既湯頭，就知道有多鮮甜，用這麼多材料有魚鰾，勝瓜，蝦乾，芹菜，東星班煮成，魚湯非常濃郁鮮味，其他材料吸收了魚湯嘅味道，好好食，特別係魚鰾特別鮮，另外主角東星班魚肉嫩滑，很推薦的一道菜
🍯最後食埋糖水才算完美
楊枝甘露滿滿芒果香，柚子肉香甜
薑汁芝麻湯圓薑湯好濃郁，配合流心芝麻湯圓好好食
张贴
