喜來稀肉 (金巴利道)

营业中

休息中

放工想食韓燒，第一時間諗起呢度。 講起喜來稀肉都會諗起宋仲基😹因為太陽的後裔都喺首爾店取景🤭泡菜沙律菜、生菜等都以自助形式。點完餐，韓國Oppa 都先幫忙開爐、倒上蛋汁，分別為辣泡菜蛋，另一邊係芝士蛋，兩種味道都吸引。煎肉同時，爐邊既蛋汁慢慢煮熟隆起。 護心肉必點的，呢度牛豬都有護心肉可以點。護心肉係橫膈膜與肝之間既肉，味道濃郁，有咬口。簡單點上燒肉醬包菜食已經好好味！ 牛肋骨肉同樣無醃味，原汁原味最好食！ 牛肋骨肉油花適中，肉質鮮嫩juicy。 大醬湯口感強烈，用料好足，除左基本豆醬、豆腐、洋葱、青辣椒粒、牛肉粒、翠肉瓜金菇上外，仲有落蜆貝、最特別有埋花蟹仔，湯汁味道濃郁鮮甜兼有豆香。海鮮餅韓式版海鮮Pizza，海鮮餅中有爽脆八爪魚、觸鬚、葱條紅椒，香煎唔會太油腻。入口有蛋香，加配海鮮醬汁食，味道咸鮮之餘，又有香辣感、芝麻香氣。