花月宮 (已結業)

放工黎到公司附近既新商廈食火鍋～門口有招財貓打卡牆，隻隻都中意勁可愛吖😻內裡裝修高雅，座位寬闊。特色湯底好多款，點了惹味酸菜魚鍋金湯酸菜魚鍋湯底，口味酸酸麻麻，兩種味覺調和到好平衡，勁開胃。主角既帶皮魚片份量好多，厚身鮮甜。配料方面鍋面浮滿好多椒粒、紅辣椒乾、大量酸菜，雲耳仔，形成強勁口感。🥢新鮮豬粉腸麻香湯配內臟係好夾，豬腸新鮮無異味，外層有光澤彈性，煮熟後腸壁吸索湯汁，香熱惹味，外脆內軟綿。🥢日本北海道花豚豬腩肉豬腩肉脂平均，色澤鮮紅，肉味濃厚，薄切入湯熟透唔會粗韌。🥢風花雪月手打丸拼盤打邊爐總有一兩款丸類，有個樣樣齊手打丸拼，每款兩粒，配上一個中式木框層架，包裝精緻又玩味。最愛係其中鲍魚丸、爆汁蝦芝士丸，瑤柱丸、黃金芝士墨魚丸等…同樣鮮味爽彈　～ 🥢鮮淮山淮山片益胃解腻，灼一陣就食得，口感滑溜溜又清香，掛上酸麻湯味道更佳！ 花雕雞件浸透酒香既醉雞，由雞翼尖到雞胸部位都入哂味，煮久都唔會流失香氣，肉厚嫩滑好鲜味，仲幾黃油。響鈴大卷有豆香，輕嚼開不單止鬆脆乾爽，層與層之間又薄又有空氣感。現炸手快趁熱食，可以配少少醋食，我又鍾意浸一下熱湯，掛上酸麻湯汁食又另一番享受。