Layback Cafe & Bar (已結業)

係尖沙咀行街行到攰攰地，朋友提議上Layback cafe hea下，一踏入呢間樓上 Cafe 感覺特別溫馨，好有家的感覺～因為又攰又口渴，一坐底職員就好有禮貌地遞上餐牌俾我地order 飲品先！朋友點左個落神花茶酸酸咪咪～～清新怡人，還可以消脂解膩！至Fit之選！ 而我就叫左個咸檸檬蜜，咸中帶點酸甜。。潤喉又醒神！聽聞佢嘅炸魚柳係必食之選，果然唔錯～～炸得金黄香脆，剛剛好外脆內軟，肉滑皮不厚，配上粗粗嘅炸薯條，而薯條上灑上黑松露，真係好惹味，好好食！香焗大啡菇～配上芝士，煙肉火腿。。好香口！切開好juice！口感又夠豐富！辣肉腸薄餅～本人較喜歡餅底較薄，而佢正正皮薄鬆脆，咬落脆卜卜，好好食丫，配上辣肉腸，粟米，濃濃蕃茄酱汁，辣辣地好開胃！食完一塊又一塊，正！呢碟軟殼蟹意粉令我食出兩種不同口感！酥炸軟蟹殼連殼食，香脆而又啖啖肉，好滿足！！再配搭卡幫尼忌廉汁扁意粉，意粉軟硬適中混埋個酱汁好 creamy好滑！Layback cafe除了有在家寫意嘅感覺，其實仲有個大露台可以選擇坐外面感受無壓力開陽感～～而且仲有一個藏書閣比大家影下相扮下文青呃like添！