影片
更多
2023-06-28
108 浏览
今日同朋友嚟咗依間有d玩味嘅餐廳。除咗擺設有啲怪奇會令你眼前一亮，餐牌上嘅菜式名更加係非常之搞笑。見佢咁啱有個特別menu白酒藍青口 配兩杯紅/白酒 ($198)咁啱晏晝想食chill d, 見佢有我最愛嘅青口又配埋酒，一定要點！一食之下好不得了，個青口比想像中好食得多，亦好食過之前專食青口嘅西餐廳。青口粒粒飽滿冇沙冇怪味，配埋個落咗大量洋蔥嘅白汁，食落鮮甜美味，一粒接住一粒食唔停口。個白酒亦都易入口。Pizza係餐廳嘅推介菜之一。我哋叫咗個 “好邪惡嘅咸蛋牛油果蟹肉比薩咩叫減肥” ($145), 真係菜如其名。pizza 上佈滿厚厚嘅芝士，帶有少少咸蛋味，但即使係咁，pizza上嘅生菜同車厘茄都令個pizza冇咁膩。另外，pizza上嘅蟹鉗隻隻都肥美，足料！美利堅合眾國草飼肉眼扒 ($178)以肉眼扒嚟講價錢唔太貴，我地叫七成熟，入面都係煎到微紅，剛剛好。肉眼肉質都淋，而且牛味濃郁，上菜時又已經切好一片片，方便食。除咗主角，配菜一d都唔馬虎，搞笑地有一小碗烏冬，烏冬彈牙，配埋個醬汁可以解解肉眼嘅膩感。沙律都好refreshing 手工紫薯waffle ($90)平日喺出邊比較少機會食
見佢咁啱有個特別menu
白酒藍青口 配兩杯紅/白酒 ($198)
咁啱晏晝想食chill d, 見佢有我最愛嘅青口又配埋酒，一定要點！
一食之下好不得了，個青口比想像中好食得多，亦好食過之前專食青口嘅西餐廳。
青口粒粒飽滿冇沙冇怪味，配埋個落咗大量洋蔥嘅白汁，食落鮮甜美味，一粒接住一粒食唔停口。
個白酒亦都易入口。
Pizza係餐廳嘅推介菜之一。
我哋叫咗個 “好邪惡嘅咸蛋牛油果蟹肉比薩咩叫減肥” ($145), 真係菜如其名。pizza 上佈滿厚厚嘅芝士，帶有少少咸蛋味，但即使係咁，pizza上嘅生菜同車厘茄都令個pizza冇咁膩。另外，pizza上嘅蟹鉗隻隻都肥美，足料！
美利堅合眾國草飼肉眼扒 ($178)
以肉眼扒嚟講價錢唔太貴，我地叫七成熟，入面都係煎到微紅，剛剛好。肉眼肉質都淋，而且牛味濃郁，上菜時又已經切好一片片，方便食。除咗主角，配菜一d都唔馬虎，搞笑地有一小碗烏冬，烏冬彈牙，配埋個醬汁可以解解肉眼嘅膩感。
沙律都好refreshing
手工紫薯waffle ($90)
平日喺出邊比較少機會食到紫薯waffle，佢個紫薯蓉好在唔係好甜，而且窩夫亦都食得出有少少紫薯味。紫薯蓉上仲灑咗少少花瓣添，好啱打卡。
林尾我哋再嗌多少少嘢飲作結。
豆腐咖啡 ($56)
飲到底有少少豆腐渣，感覺幾特別。
Tiramisu 咖啡 ($56)
奶蓋係Tiramisu，又唔會太膩太甜。
张贴
