陳小館 (已結業)

今日同男朋友嚟到尖沙咀食飯，尖沙咀普遍嘅物價都比較高，一時三刻都諗唔到食乜好，上網見到陳小館依間港式嘅餐廳，就覺得係尖沙咀好少見，就去試吓啦。入到去望到佢嘅裝修都真係比較港式，唔似尖沙咀其他嘅餐廳一樣好五花八門，我哋就選擇叫咗一個啫啫芥蘭煲，蒜蓉炒豆苗， XO醬茄子牛仔骨煲同埋一個鹹蛋蒸肉餅，先講啫啫芥蘭煲，一上菜已經聞到好香嘅味道令人流晒口水，食落啲菜亦都好新鮮夠晒爽，真係一個唔錯嘅菜式， XO醬茄子牛仔骨煲亦都好驚喜，因為牛仔骨好入味亦都好冧，用嚟送飯真係一流，肉餅亦都好滑就算唔落豉油都食到佢嘅鮮味。整體來講我覺得陳小館喺尖沙咀都算特別，因為菜式都好食而且價錢亦都唔算貴，喺平時出尖沙咀又唔想食太貴嘅情況下都係一個唔錯嘅選擇。