影片
更多
2023-10-31
616 浏览
餓媽家姐食完M記先記得尖沙咀有呢間小食店「餓媽家姐」，早知唔食個M記新包啦，搞到個肚無位食呢間嘅手工漢堡，唯有食佢哋其他招牌菜啦！😢😢😢呢間小食店個名好鬼得意，將「Omakase」大玩食字諧音，雖然唔係提供真Omakase，但佢哋係由中、西、酒店、茶餐廳嘅專業廚師主理，主打港台日系創新小食，包括燒賣魚蛋、日式炸物、便當、烏冬、鑊氣十足嘅港式炒腸粉，以及手工漢堡等，連炸燒賣都有14種醬汁比人揀，多到都唔知揀咩好！🤣🤣🤣望咗好耐Menu仲未揀到食咩，小食款式多到爆，店員主動走出嚟介紹最熱賣嘅小食比我知，最後我拎住3盒小食去附近企街食，佢哋小食店雖然有企位，但太細唔方便輪椅人士入去食，目測估計最多只能企3人，同埋掃街最有風味當然要企街食啦！😚😚😚1.XO醬牛肉蛋炒腸粉$44（8.5/10）呢個XO醬牛肉蛋炒腸粉炒得非常有鑊氣，份量亦好多，腸粉大約似出面4條，連牛肉都大約有10片。牛肉非常嫩滑，腸粉薄同滑，配上有蝦米嘅XO醬好香，只係覺得咸咗少少同唔夠辣！😋😋2.極脆拉絲芝士條（4條）$34（10/10）呢個極脆拉絲芝士條炸得好鬼脆，芝士條拉開入面嘅芝士可以比我拉到約30cm，芝士味濃，食一條
食完M記先記得尖沙咀有呢間小食店「餓媽家姐」，早知唔食個M記新包啦，搞到個肚無位食呢間嘅手工漢堡，唯有食佢哋其他招牌菜啦！😢😢😢
呢間小食店個名好鬼得意，將「Omakase」大玩食字諧音，雖然唔係提供真Omakase，但佢哋係由中、西、酒店、茶餐廳嘅專業廚師主理，主打港台日系創新小食，包括燒賣魚蛋、日式炸物、便當、烏冬、鑊氣十足嘅港式炒腸粉，以及手工漢堡等，連炸燒賣都有14種醬汁比人揀，多到都唔知揀咩好！🤣🤣🤣
望咗好耐Menu仲未揀到食咩，小食款式多到爆，店員主動走出嚟介紹最熱賣嘅小食比我知，最後我拎住3盒小食去附近企街食，佢哋小食店雖然有企位，但太細唔方便輪椅人士入去食，目測估計最多只能企3人，同埋掃街最有風味當然要企街食啦！😚😚😚
1.XO醬牛肉蛋炒腸粉$44（8.5/10）
呢個XO醬牛肉蛋炒腸粉炒得非常有鑊氣，份量亦好多，腸粉大約似出面4條，連牛肉都大約有10片。牛肉非常嫩滑，腸粉薄同滑，配上有蝦米嘅XO醬好香，只係覺得咸咗少少同唔夠辣！😋😋
2.極脆拉絲芝士條（4條）$34（10/10）
呢個極脆拉絲芝士條炸得好鬼脆，芝士條拉開入面嘅芝士可以比我拉到約30cm，芝士味濃，食一條已經飽一半！👍👍👍
3.日式紫薯甘栗薯餅（2塊）$38（10/10）
紫薯甘栗薯餅三合一溝埋真係未試過，原來係咁夾，外面炸得好脆，入面好軟綿，而且真係食到一粒粒甘栗，三樣野夾埋真係好香！❤❤❤
2人總共價錢$116
個人口味總評分：9.5/10
@ohmumsister
地址：尖沙咀加拿芬道45-47號宏生大廈地下D2號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#餓媽家姐 #尖沙咀 #尖沙咀好去處 #尖沙咀美食 #尖沙咀小食 #香港小食 #小食 #炒腸粉 #雞翼 #手工漢堡 #安格斯漢堡 #hkburger #掃街 #相機食先 #hkfoodie #hkfoodblogger #hkfoodpic #hkfoods #hkfoodshare #hkdessertshop#hkfoodstagram #hkfoodpic #hkigfood #foodiehk #foodie #hkfoodies #wheelchaireatinhongkong
张贴
