花楽 (北京道1號) (已結業)

好耐冇食下午茶，見到呢間好多人推介，所以去咗試吓🤣-🌸花楽日式花園下午茶 ($588/2)份量好豐富，呢個價錢嚟講真係幾抵😙🔮熱氣球咸點有各式刺身同精緻嘅鹹點，刺身幾新鮮同埋幾鮮甜，另外吞拿魚蓉蟹肉最中餅幾特別，融合咗日式嘅傳統甜點最中餅同埋新鮮嘅吞拿魚蓉，不妨一試🤣🐟咸點另外仲有三道鹹點，分別係三文魚刺身、炸蟹鉗同埋鱈魚乾，鱈魚乾咬落好香口，而且入口鬆化，三文魚刺身夠厚夠新鮮🥰🌸甜品最期待係食水信玄餅，配上黑糖漿入口清新，淡淡嘅花香味幾特別，其餘幾樣甜品入口嘅甜度適中，唔會覺得好漏，唔錯😙🫖飲品飲品方面，揀咗南非博士茶，大大壺仲可以添飲真係幾抵，而且茶嘅濃度適中，同鹹點同埋甜點都好夾🫶🏻餐廳嘅裝修精緻，座位舒適，而且樓底好高，仲望到靚靚嘅維港海景，另外見到逢星期六夜晚食仲有8折，等我下次去試埋晚市望吓個夜景再同大家分享🤣