影片
更多
2023-06-13
1241 浏览
海南少爺 Hainan Shaoye📍尖沙咀廣東道3-27號海港城海運大廈地下G16號舖我同朋友趁放假專程去咗LCX睇鍾意嘅動漫pop up store，可惜賣嘅嘢太普通，無一收穫，行到太陽落山後決定行返去海運嗰邊搵嘢食。由於我哋成2點幾3點先食午餐，所以其實唔太肚餓，不過因為天氣太熱想叫返啲清涼啲嘅嘢飲同搵個地方坐下，最後揀咗喺玩具反斗城附近嘅呢間餐廳坐低抖下。 💰$248鹹蛋黃軟殼蟹 🦀Soft Shell Crab w/ Salted Egg Yolk 話明係海南少爺，相信都有好多人會叫肉骨茶或海南雞飯呢類，但我哋實在唔太餓，唔想食咁多熱食同澱粉質，所以最後揀咗呢道有海南風味嘅炸軟殼蟹做主菜。一上檯就已經聞到好香嘅鹹蛋黃味，一咬落去食到軟殼蟹嘅肉汁同鹹蛋黃嘅鹹香，加埋炸到脆一脆嘅炸粉，真係幾正！雖則話佢嘅鹹蛋黃味好香，但味道唔會過鹹過濃，食多幾件都唔會覺得膩。 💰$58馬來森林 🍹The Jungle of Malaysia朋友心血來潮想叫返杯Cocktail嚟飲，我揀咗杯gin俾佢試下。我揀呢杯嘅原因純粹因為見到佢有接骨木花同香茅比較特別，仲有切到細細粒嘅薑粒，好切合東南亞風。
📍尖沙咀廣東道3-27號海港城海運大廈地下G16號舖
我同朋友趁放假專程去咗LCX睇鍾意嘅動漫pop up store，可惜賣嘅嘢太普通，無一收穫，行到太陽落山後決定行返去海運嗰邊搵嘢食。由於我哋成2點幾3點先食午餐，所以其實唔太肚餓，不過因為天氣太熱想叫返啲清涼啲嘅嘢飲同搵個地方坐下，最後揀咗喺玩具反斗城附近嘅呢間餐廳坐低抖下。
[價錢 Price]
💰$248
鹹蛋黃軟殼蟹 🦀
Soft Shell Crab w/ Salted Egg Yolk
話明係海南少爺，相信都有好多人會叫肉骨茶或海南雞飯呢類，但我哋實在唔太餓，唔想食咁多熱食同澱粉質，所以最後揀咗呢道有海南風味嘅炸軟殼蟹做主菜。一上檯就已經聞到好香嘅鹹蛋黃味，一咬落去食到軟殼蟹嘅肉汁同鹹蛋黃嘅鹹香，加埋炸到脆一脆嘅炸粉，真係幾正！雖則話佢嘅鹹蛋黃味好香，但味道唔會過鹹過濃，食多幾件都唔會覺得膩。
[價錢 Price]
💰$58
馬來森林 🍹
The Jungle of Malaysia
朋友心血來潮想叫返杯Cocktail嚟飲，我揀咗杯gin俾佢試下。我揀呢杯嘅原因純粹因為見到佢有接骨木花同香茅比較特別，仲有切到細細粒嘅薑粒，好切合東南亞風。朋友表示呢杯馬來森林嘅酒味同薑味偏重，唔鍾意呢兩種味道嘅人可以留意一下，但絕對推介比愛試新嘢嘅人！
[價錢 Price]
💰$48
椰香斑蘭紅豆冰 🫘🥛
Pandan & Red Bean Ice Cooler
我唔飲酒嘅就叫咗呢杯紅豆冰 with a twist！佢加咗好有東南亞色彩嘅斑蘭落杯紅豆冰度，冰塊打得幼細如沙冰，飲落十分清新解渴，我同朋友飲完都齊齊舉手指公，難怪每檯都見到有人order啦！
[價錢 Price]
💰$82
海燕窩燉椰皇 🥥
最後我哋叫咗個甜品收尾，雖然同我想像中嘅燉椰皇有分別，但呢個甜品好值得介紹一下。佢一上檯嘅時候係水狀嘅，稀到好似飲緊椰子水咁，但食食下其他嘢再攪佢嘅時候，發現佢慢慢結塊，變到有少少似啫喱嘅質感。食完主食，再打算𢳂嚟食嘅時候，佢已經變咗一嚿完整嘅果凍狀甜品，超神奇有趣。味道方面，椰子肉夠香，口感夠滑溜，海燕窩同樣滑捋捋，加上係熱食，食完覺得好滋潤！
张贴
