絆 (已結業)

唔知大家平時會唔會早起身為咗去食個好啲嘅lunch呢？今次為大家介紹吓尖沙咀嘅樓上日本餐廳！講返小小背景先，呢間位於尖沙咀嘉芙中心嘅日本餐廳有包場服務，餐廳外邊有一個好大嘅露台可以食到飽飽哋嘅時候行出去chill下～ lunch set嘅價錢大約係$78 - $98 左右。我當日同朋友一行兩人，分別點左 $98 迷你蟹肉蟹膏丼廚師發辦寿司餐 $98 迷你帶子刺身丼廚師發辦寿司餐 （刺身、壽司定食套餐附上湯沙律及時一卷物2件）以為迷你丼飯份量會好少，但係食落就知佢嘅份量其實好多，個人最鍾意飲佢嘅魚湯，有好濃嘅魚同麵豉湯嘅味道融合埋一齊，另外廚師發板嘅壽司最好就係唔使自己諗，我鍾意午餐有咁多樣食物來講係好夠飽，而且價錢都係$100左右，性價比較高。