咕嚕咕嚕

营业中

休息中

喺尖沙咀食完飯就同朋友一齊去咗諾士佛台搵一間樓上比較女仔啲嘅酒吧坐低談心。一入到去，餐廳中間已經有霓虹燈管寫住餐廳嘅名字。中間有兩張Beer Ping Pung枱。左右兩旁有高枱及挨牆坐嘅坐位比客人坐，非常舒適。現場仲有好多櫻花🌸裝飾。估唔到酒吧都有西式晚餐set 叫，$198 就叫到Set dinner。有前菜，主菜，甜品或炸魚2件或雞槌2件。煙三文魚沙律 沙律菜非常新鮮，食落非常脆聲。煙三文魚夠大片，可以整成一朵花，打卡一流，非常給晴。 慢煮法式波爾多紅酒燴牛面頰肉配薯蓉 牛面頰肉燜到好冧身，牛味夠燶。波爾多紅酒🍷令牛味更出。薯蓉夠軟身入埋牛汁未無得頂。雞槌炸到好脆身，雞肉肉質鮮嫩。Happy hour 6-8pm，叫Mocktail 超抵，只係$38 杯: 叫draft beer 都係半價。Citrus Punch西柚汁加橙味梳打再帶少許青檸味，比起Tropical Island 無咁甜。 西柚味較重嘅mocktail。Tropical Island比較甜，帶青檸及橙味，非常開胃，夏天必點。Murphy’sDraft beer 嘅生啤，有氣啤酒更加好飲。