店舖位於K11 Art Mall 2樓 裝修係走日系簡約風🥰
🍳旋風蛋包飯都有幾款唔同嘅配撘：
先選主食 (北海道七星夢美人米 / 日本十六穀米 / 走飯轉季節野菜)
再選一種配料
最後選醬汁 (日式咖哩汁/鮮蕃茄汁/奶油蘑菇汁)
🍴烤特上安格斯牛腰柳·特上一吋牛脷 ($168)
牛腰柳烤得恰到好處 有少少炭燒嘅味道 稍微有少少嚼勁 但唔會韌 而且牛味好濃😋
牛脷同樣都有少少炭燒味 同埋真係有成吋厚 好淋好好味🥰
呢度嘅咖哩係用香蕉、蘋果、洋蔥、蕃茄、薯仔等多種蔬果加入印度香料熬煮而成
食落去有日式咖哩嗰種蔬果嘅香甜 亦都有少少辣 幾好味🫶🏻
蛋包飯嘅旋風整得好靚❤️
而且選用日本蘭王蛋 所以會偏橙黃色
蛋味頗濃 亦都幾滑溜
另外仲有季節野菜伴碟 好豐富🥰
