蒲燒鰻魚飯一上枱就聞到炭燒香氣～鰻魚燒到啱啱好，外皮微脆帶點焦香，肉質肥美又唔會過油。個醬汁調得幾好，甜鹹適中，唔會蓋過鰻魚本身嘅鮮味。最正係份量十足，成塊鰻魚鋪滿成個碗，撈埋啲醬汁同日本米食，真係一口接一口停唔到！
元氣牛肉鍋套餐都好抵食！個鍋材料豐富，牛肉片、豆腐、金菇、野菜堆到滿滿～湯底清甜帶點昆布同鰹魚香，牛肉輕輕一灼就食得，嫩滑得嚟又索晒湯汁。跟餐仲有前菜同味噌湯，百零蚊有咁嘅質素，性價比幾高！
環境乾淨企理，服務都幾親切。如果想喺尖沙咀搵間平靚正嘅日式小店，呢度絕對係個唔錯選擇！已經諗定下次要再嚟試佢哋嘅關東煮同炸雞～
1
