影片
更多
2022-09-20
34 浏览
見到呢間尖沙咀既川味辣蟹推出2週年優惠，每位消費滿$150即可享有 1蚊食到招牌雞煲 或 1蚊麻辣小龍蝦一份，即刻用openrice訂枱同朋友食啦~餐廳食物種類都好多元化，有辣蟹、烤魚、串燒同雞煲，海鮮控一定要叫佢地既海鮮大咖，海鮮大咖就係大廚每日精選八款時令海鮮，例如有龍蝦、肉蟹或膏蟹、瀨尿蝦、鮑魚、蟶子皇、青口、廣島蠔等，非常豐富，今晚我地主力食佢既雞煲、砂鍋粥同串燒🐓$1招牌雞煲一打開個蓋就聞到好香，雞肉煮得好入味，肉質鮮嫩多汁，配料有洋蔥、花椒八角等，夠哂惹味，平時正價做緊$188而家優惠價$1就食到，超抵😍🔥馳名砂鍋田雞粥 ($68配料 + $38砂鍋粥底)店員推介我試下佢地既砂鍋粥，配料可以自選，可以揀蟹、鮑魚、魚片等等，我地今日就揀左田雞粥，田雞口感爽滑啖啖肉，配埋綿滑既粥底好好食，推介😌👍🏻👍🏻👍🏻燒煙肉露筍卷 ($38)雞煲同砂鍋粥已經咁出色，估唔到串燒都同樣性價比高，呢個煙肉露筍卷好好食，露筍翠綠爽口無渣，煙肉既油脂滲透到露筍度，正👍🏻🔥燒美國黑豚肉 ($48)份量都幾多，燒烤過後肉質鮮甜唔會腥，帶有少少油脂同筋膜，肉質軟嫩多汁，推介🥰風味燒豬大腸 ($48/2串)
見到呢間尖沙咀既川味辣蟹推出2週年優惠，每位消費滿$150即可享有 1蚊食到招牌雞煲 或 1蚊麻辣小龍蝦一份，即刻用openrice訂枱同朋友食啦~餐廳食物種類都好多元化，有辣蟹、烤魚、串燒同雞煲，海鮮控一定要叫佢地既海鮮大咖，海鮮大咖就係大廚每日精選八款時令海鮮，例如有龍蝦、肉蟹或膏蟹、瀨尿蝦、鮑魚、蟶子皇、青口、廣島蠔等，非常豐富，今晚我地主力食佢既雞煲、砂鍋粥同串燒
🐓$1招牌雞煲
一打開個蓋就聞到好香，雞肉煮得好入味，肉質鮮嫩多汁，配料有洋蔥、花椒八角等，夠哂惹味，平時正價做緊$188而家優惠價$1就食到，超抵😍🔥
馳名砂鍋田雞粥 ($68配料 + $38砂鍋粥底)
店員推介我試下佢地既砂鍋粥，配料可以自選，可以揀蟹、鮑魚、魚片等等，我地今日就揀左田雞粥，田雞口感爽滑啖啖肉，配埋綿滑既粥底好好食，推介😌👍🏻👍🏻👍🏻
燒煙肉露筍卷 ($38)
雞煲同砂鍋粥已經咁出色，估唔到串燒都同樣性價比高，呢個煙肉露筍卷好好食，露筍翠綠爽口無渣，煙肉既油脂滲透到露筍度，正👍🏻🔥
燒美國黑豚肉 ($48)
份量都幾多，燒烤過後肉質鮮甜唔會腥，帶有少少油脂同筋膜，肉質軟嫩多汁，推介🥰
風味燒豬大腸 ($48/2串)
豬大腸燒烤過後逼出多餘油脂，散發出豬油香氣，口感有嚼勁唔會過韌，正😄
燒雞皮 ($48/2串)
雞皮燒到脆卜卜好似薯片咁，送酒小食一流
燒油花牛舌心 ($48)
口感煙韌彈牙，加入少少鹽調味已經足夠，肉汁豐腴，齒頰留香
招牌金銀蒜燒茄子 ($48)
茄子好大條，燒到好腍，上面鋪左滿滿既蒜蓉，加埋秘製甜豉油一齊食好正🔥
燒四季豆 ($20)
四季豆翠綠鮮嫩，火侯控制得好好，唔會燒到好乾👍🏻👍🏻👍🏻
燒金菇 ($20)
平時多數食牛油焗金菇，估唔到燒金菇又幾好食，好juicy😌👍🏻
燒翠玉瓜 ($20)
翠玉瓜有豐富既水份，配埋孜然粉既獨特調味，鹹甜適中，正😚
燒菠蘿 ($28)
菠蘿鮮甜多汁，高質😚
椒鹽鮮淮山 ($48)
平時比較少見炸淮山，新鮮淮山外皮炸得金黃香脆，內裡質感鬆化軟淋，鹹度適中，滋味十足
张贴
