沐白小農 (已結業)

今日去開尖沙咀行街，去左厚福街掃完街之後行左去寶勒巷見到呢間新開嘅沐白小農。門口好光猛，仲有幾個staff好精神咁歡迎啲客人。入面仲好大，有幾個bar檯俾人坐下傾計，仲有啲打卡位，裝修都好唔錯。bar檯仲有充電位置，有晒唔不嘅插頭，適合唔同機種嘅顧客飲下野同時又可以充充電。我同男朋友睇完左個menu就揀左佢兩個招牌，大甲芋頭鮮奶同黑糖波霸鮮奶。另外有個朋友就揀左柳橙綠茶。整好之後啲staff都提大家打完卡之後要搖均先好飲，唔係會無咁正。個芋頭鮮奶啲料都佔左有半杯，仲食到啲芋頭粒粒，好抵飲。黑糖果啲珍珠好有咬口，配埋鮮奶真係一絕。最後朋友杯綠茶就好大杯，食到有果粒肉，有淡淡綠茶香，飲落好舒服。下次再嚟要試下其他野先！