花月宮 (已結業)

又到左食打邊爐嘅時間，今次介紹尖沙咀金巴利道新開嘅《花月宮》。門口怖滿日式招財貓做裝飾，餐廳設計用咗中式宮廷風格，亦有好多好大嘅卡位，坐得好舒適。首先揀咗湯底先，佢哋有多達10款嘅湯底可以選擇。我就揀咗特色火焰酒糟鮑魚雞鍋，仲有原味同埋麻辣味可以揀，打邊爐梗係要有少少辣先好食，所以我就揀咗麻辣味。首先店員會倒入白酒，然後再點火，跟住就成個鍋都見到熊熊烈火，好適合打卡。裏面嘅鮑魚同埋雞肉嘅份量都好多，雞肉相當入味，同埋嫩滑。蘇格蘭蟶子皇 $88簡直係巨大化嘅蟶子，放入鍋煮幾十秒就可以食，質感非常爽口，食落又充滿鮮味。新鮮豬頸肉 $78整到一片玫瑰花咁嘅樣，淨係睇都覺得好靚。食落肉味香濃又軟腍。牛魔王天梯拼盤 $588依個拼盤總共有四款牛肉，分別係本地手切新鮮頂級牛頸脊、頂級安格斯牛小排、頂級手切封門柳同埋一口牛柳粒。我自己就最鍾意牛頸脊，因為食落特別軟腍，油香味又好充足。風花雪月餃子拼盤 $168呢個拼盤總共有六款餃子，分別係綠色嘅韭菜餃、鮮蝦雲吞、鳳城水餃、橙色嘅重慶辣子雞肉餃、野菌黑松露餃同埋蛋餃。雜菌拼盤$68玉油柑茶$68玉油柑酸酸甜甜咁，好清熱解膩。花月宮 (尖沙咀)尖沙咀金巴