餐廳嘅環境非常舒服，柔和嘅燈光，加上太陽傘，木制枱櫈等，再加上四周有綠色的植物作為佈置，非常有休閑度假感覺。
泰式生蝦$98
係泰國唔敢食當地嘅生蝦，所以今日好想食。一碟有8 隻生蝦，味道都唔錯，亦夠新鮮，醬汁味道調校得啱啱好，辣辣地酸酸地加上蒜香嘅味道，作為頭盤非常開胃。
飛天小椰菜$78
椰菜炒得非常有鑊氣，辣味蒜味都夠，椰菜亦夠爽脆，好惹味。
蛋炒咖喱軟殻蟹$158
每次到泰國餐廳必點咖喱，除咗青咖喱外，黃咖喱亦都好好食，蛋加入黃咖喱，兩煮非常融合，沒有遺和感，味道亦較為溫順和creamy。有陣陣的椰香味，香茅味和南薑味，加埋洋蔥和青椒絲，味道層次非常豐富。而軟殻蟹亦炸得夠鬆脆，外脆內軟，而且仲有好多蟹肉，撈飯食一流。
Chiang Rai Cocktail $108
Cocktail 呈現夢幻的紫色非常漂亮，面層有棉棉的蛋白，內裡有碟豆花，薰衣草，柚子，青檸，橙汁和vodka，酸酸甜甜，仲有淡淡的薰衣草味好清新。
