熊本牛鍋 (永勝商業中心)

营业中

休息中

最近同朋友喺尖沙咀搵到一間超抵食嘅無限時任食雞煲邊爐！佢哋而家有兩個優惠套餐，$278皇牌套餐同埋$308澳洲和牛套餐，最正係二人同行一人半價，基本上兩個人平分每人只係百幾蚊就食到飽！仲有個超貼心嘅優惠——110cm以下嘅小朋友星期日至四免費添，簡直就係一家大細都啱嘅聚餐選擇。先講返佢哋嘅雞煲，嗰個日式和風雞煲簡直係一試難忘！雞件大件又多肉，每啖都係飽滿嘅肉汁，仲帶少少微辣，非常惹味，食到停唔到口。牛肉方面真係高質到不得了，牛白肉即係牛胸爽，肉質爽彈，完全唔油膩；而澳洲M4-M5和牛就更加勁，入口即化，充滿油香，食一啖就感受到牛肉嘅嫩滑同香甜。至於頂級牛肉同牛肩胛肉，味道濃郁，牛味十足，絕對係愛牛之人嘅天堂！最驚喜嘅係，只要喺社交平台 like同share佢哋page嗰啲post，仲會送埋個海鮮蒸鍋俾你，鍾意食海鮮嘅朋友一定唔好錯過！數量有限，送完即止。 除此之外，侍應嘅服務態度真係值得一提，成程食飯都好細心，態度親切又主動添湯換爐，真係加分！總括嚟講，呢間店無論係食物質素、價錢定服務都係一流，真心推介俾大家！