新泰東南亞餐廳

营业中

休息中

串燒沙爹：豬、牛、雞各有2串，大大嚿啖啖肉，肉質唔錯有咬口，唔會燒得太乾。沙爹醬有質感，見到有啲花生顆粒，幾好味，加咗勁多沙爹醬。馬拉盞通菜：份量唔少，馬拉盞咸香味十足，感覺有啲似係蝦醬同XO醬嘅混合，唔錯。同朋友一開始諗緊要馬拉盞通菜定飛天通菜，但唔知有乜分別，只知飛天通菜會抛起炒😅之後問店員，佢話飛天通菜係用蒜頭辣椒豆醬炒，味道辣啲，但又可以叫小辣😂日本南瓜焗海鮮飯：一上檯就哇咗聲，南瓜都幾大個，面頭係滿滿嘅芝士同海鮮，有大蝦、鮮魷、靑口。南瓜焗得軟淋，可以用匙羹刮出嚟，食落香甜綿滑，撈埋啲飯同芝士一齊食好正。餐廳門口幾有泰國feel ，座位舒適闊落，食物味道唔錯份量足料，女仔嘅話可能夠3個人食，係尖沙咀性價比高嘅餐廳。