五要素食堂 (已結業)

呢日行開尖沙咀去咗The One嗰邊搵嘢食，先發覺原來開咗一間新嘅日本餐廳。餐廳嘅裝修行簡約風，落order都可以直接用QR code，真係好方便。我叫咗一個厚切牛舌丼加青森溫泉玉子，個飯另外加咗$18，轉做定食就有一個沙律同埋麵豉湯。厚切牛舌嘅份量好多，牛舌煮到好林好入味，加上溫泉蛋真係好滿足。我仲叫左一碟南蛮風炸雞，其實應該係蛋黃醬mix切好嘅雞蛋，放係啱啱炸起熱辣辣嘅炸雞上面，搞到我忍唔住食完又食。呢間新開嘅餐廳係尖沙咀係比較實惠同埋抵食，下次經過附近我會再嚟呢度食飯。