上海婆婆336 (iSQUARE國際廣場)

营业中

休息中

約左中學同學食飯，因為唔食得辣所以揀食上海菜。之前係尖沙咀成日見到依間上海婆婆排長龍，前日終於一嘗上海婆婆的魅力。好彩一早預約7點，我地8點走已經見到要等位。冷菜叫左冰鎮醉雞同肴肉，肴肉有點過肥，只係食到脂肪啫喱多過食到肉，醉雞不過不失。主菜叫左小籠包、四季豆、醬燒茄子，茄子舊舊分明，唔會煮到爛晒，好好食，四季豆就不過不失，係咸左少少。仲叫左個336炒飯，蝦都落足料。埋單4百幾，三個人食絕對食得飽，咁嘅價錢好抵。