影片
更多
2023-09-21
41 浏览
今日嚟咗尖沙咀一間好有情調嘅餐廳。餐廳嘅室內裝修非常有高當感同格調，而好多人都揀室外位置打卡，因為可以望到清真寺嘅夜景，感覺都幾特別。黑松露醬炸薯條 ($68)薯條粗幼度適中，炸得好鬆脆，上菜嘅時候啱啱炸好仲係熱辣辣。上面刨咗一啲幼細嘅芝士絲。黑松露醬點薯條非常之夾，如果可以多少少醬就好啦，唔夠喉。白酒忌廉煮藍青口 ($168)藍青口有鮮味，唔似係冰鮮嘅淡茂茂嘅感覺。呢個白酒忌廉汁比較稠，都幾濃郁，點脆多士就適合。醬汁入面亦都有香草、洋蔥、同埋蒜頭等提味。圖書館羊肉二重奏 ($288)菜名有圖書館三個字，應該係餐廳嘅推介菜之一。話明係二重奏，佢有兩款羊肉。一款係羊架，佢用咗慢火煮到七成熟，羊味唔會好羶，肉質嫩滑。另一款羊肉就係墊喺羊架下嘅羊肩肉，另外仲有少少生菜。佢哋用咗南乳煮係幾惹味嘅，相對會重口味少少。酒方面，佢嘅cocktail都幾有特色。其中，依個四大美人($140) 用咗茶壺同茶杯嚟裝住個酒，好有中國特色。而入邊落咗白酒、荔枝、李、提子等，飲落果香味濃，亦都唔會好重酒精濃度，好啱女仔飲。同行朋友就叫咗呢個又係好有特色嘅春秋 ($150). 用咗古代造型嘅爵嚟裝住，好有霸氣。成
黑松露醬炸薯條 ($68)
薯條粗幼度適中，炸得好鬆脆，上菜嘅時候啱啱炸好仲係熱辣辣。上面刨咗一啲幼細嘅芝士絲。黑松露醬點薯條非常之夾，如果可以多少少醬就好啦，唔夠喉。
白酒忌廉煮藍青口 ($168)
藍青口有鮮味，唔似係冰鮮嘅淡茂茂嘅感覺。呢個白酒忌廉汁比較稠，都幾濃郁，點脆多士就適合。醬汁入面亦都有香草、洋蔥、同埋蒜頭等提味。
圖書館羊肉二重奏 ($288)
菜名有圖書館三個字，應該係餐廳嘅推介菜之一。話明係二重奏，佢有兩款羊肉。一款係羊架，佢用咗慢火煮到七成熟，羊味唔會好羶，肉質嫩滑。另一款羊肉就係墊喺羊架下嘅羊肩肉，另外仲有少少生菜。佢哋用咗南乳煮係幾惹味嘅，相對會重口味少少。
酒方面，佢嘅cocktail都幾有特色。其中，依個四大美人($140) 用咗茶壺同茶杯嚟裝住個酒，好有中國特色。而入邊落咗白酒、荔枝、李、提子等，飲落果香味濃，亦都唔會好重酒精濃度，好啱女仔飲。
同行朋友就叫咗呢個又係好有特色嘅春秋 ($150). 用咗古代造型嘅爵嚟裝住，好有霸氣。成杯嘅感覺比較清新，消滯解膩一流。
张贴
