1
16
。
我哋點咗兩個豬油撈飯，分別係椒鹽豬扒煎蛋豬油撈飯同埋香蔥滑蛋叉燒粒豬油撈飯。等嘅時候，心裏面已經開始幻想嗰味道，真係太期待！最正嘅係，佢哋會俾一枝豬油同一枝豉油，俾我哋自己mix。呢種感覺真係有啲兒時味道，令人想起以前同爸媽一同食飯嘅開心時光。
。
食第一口，已感到好滿足！椒鹽豬扒煎蛋嘅味道非常入味，豬扒嫩滑，配合上面嗰隻煎蛋，簡直係完美組合。而香蔥滑蛋叉燒粒就更加唔使講，叉燒粒好香，滑蛋又creamy，令我一口接一口，完全停唔落嚟。
。
飲品方面，我朋友點咗凍檸茶，話味道清新，啱啱好解渴。而我就選咗紅豆冰，貫徹懷舊感，紅豆甜度適中，冰爽可口，食完之後心情更加愉快。
。
食完個飯感覺唔夠喉，我哋又再點咗一個沙嗲牛肉西多士，同埋一個香蕉船。沙嗲牛肉西多士外脆內軟，牛肉味道濃郁，配搭上西多士，真係一個意外嘅驚喜。而香蕉船就更加係童年回憶，香甜嘅香蕉配上雪糕，真係一口咬落去，幸福感爆棚！
。
呢間懷舊新餐廳唔單止食物好味，仲有懷舊氛圍，讓我回憶起以前嘅日子，好有驚喜。
