錦丼 (iSQUARE國際廣場) (已結業)

尖沙咀係一個有少少難搵到又平又好坐，可以傾到計嘅餐廳。通常一係就平但係好嘈，一係就靜少少但係價錢偏貴。今次終於都試到一間可以食餐平平哋但係又可以同朋友慢慢傾計嘅鋪頭。佢午市套餐嘅選擇都真係唔少，如果有選擇困難症嘅話就要慎重思考先好行入去喇。作為鍋物愛好者基本上唔使考慮，今次我同我朋友就一人叫咗一個鍋。兩個鍋嘅食物質素同份量都相差無幾，係一個幾十蚊定食嘅質素。不過食鍋物，最重要係可以一路食一路慢慢傾計，因為個環境夠安靜，所以今餐食得好舒服。其實問我嘅話，出街食飯嘅食物質素固然重要，但係其實傾計嘅環境質素點樣係更加緊要。呢個價錢喺尖沙咀，仲要唔會趕人走，已經係我會再嚟多幾次嘅原因～