哲平食堂

营业中

休息中

最近喺尖沙咀試咗間日式丼飯專門店「哲ぺい食堂 TEPPEI SYOKUDO」，真係有驚喜！我地叫左招牌海鮮丼同三文魚帶子丼，兩款都好有誠意，啲海鮮超新鮮，啱晒鍾意食刺身嘅朋友。招牌海鮮丼好豐富，入面有三文魚籽、鰻魚、三文魚、小貝柱、八爪魚、吞拿魚、蝦、玉子同青瓜，一打開已經好吸睛，好啱打卡。每啖都食到唔同海鮮，口感層次好豐富，唔會膩。最鍾意嗰啲三文魚籽爆汁好正，小貝柱同八爪魚又鮮又爽，好有咬口。三文魚帶子丼就走簡約路線，但勝在用料靚，三文魚切得厚厚哋，油脂豐富好滑；帶子鮮甜又爽口，完全唔腥。配埋白飯一齊食，簡單但好滿足。成間鋪感覺乾淨舒服，出餐速度都快，服務態度OK。價錢以尖沙咀嚟講唔算貴，CP值幾高。下次會想再試吓其他款式嘅丼飯！如果你係海鮮控／丼飯控，呢間哲ぺい食堂真係可以列入必試清單。