影片
更多
2021-11-28
17 浏览
喺尖沙咀忙咗一個中午，諗住搵嘢食醫肚之際，無意中發現呢間新開無耐嘅壽司逸！小店係開放式廚房設計，全部座位都係吧檯，可以睇住師傅喺面前握壽司，一個人食都唔尷尬。一坐低店員就送上熱茶！原來午市相當抵食，無加一服務費之餘，自選壽司單點仲有8折優惠！我揀咗10件壽司($178)，折扣後每件計返先$14左右，呢個價錢食到即握壽司，好抵！自選壽司選擇好多，唔好以為只係得腐皮及蟹柳呢類平價貨色呢，當中其實仲有唔少omakase先會見到嘅魚款。蜜柑鯛自身就帶有蜜柑皮嘅柑香，所以入口清新甘甜，非常特別。鲂鮄魚肉質透白呈淡粉紅色，肉質紮實，咀嚼嘅時候鮮甜味道慢慢滲出！真鯛同樣魚味淡雅，肉質嫩滑！深海池魚魚味非常濃重，魚油豐腴，好鍾意！蔥吞拿魚魚腩軍艦都唔錯，吞拿魚蓉口感綿密香濃，但略嫌油香唔夠，如果紫菜脆口D就更好啦！呢個自選set仲有得揀中拖羅！中拖羅既有濃重嘅魚味，又有魚油嘅脂香，入口即化，好滿足！每一款刺身都用料新鮮又靚料，雖然米飯可以握得再緊實一D，但選用嘅宮崎縣一見鍾情米米飯軟硬適中帶米香，以呢個價錢來講，可謂落足本！午市除咗有自選壽司set之外，仲有自選三色丼以及不同壽司定食，價錢最平只係$7
小店係開放式廚房設計，全部座位都係吧檯，可以睇住師傅喺面前握壽司，一個人食都唔尷尬。
一坐低店員就送上熱茶！
原來午市相當抵食，無加一服務費之餘，自選壽司單點仲有8折優惠！
我揀咗10件壽司($178)，折扣後每件計返先$14左右，呢個價錢食到即握壽司，好抵！
自選壽司選擇好多，唔好以為只係得腐皮及蟹柳呢類平價貨色呢，當中其實仲有唔少omakase先會見到嘅魚款。
蜜柑鯛自身就帶有蜜柑皮嘅柑香，所以入口清新甘甜，非常特別。
鲂鮄魚肉質透白呈淡粉紅色，肉質紮實，咀嚼嘅時候鮮甜味道慢慢滲出！
真鯛同樣魚味淡雅，肉質嫩滑！
深海池魚魚味非常濃重，魚油豐腴，好鍾意！
蔥吞拿魚魚腩軍艦都唔錯，吞拿魚蓉口感綿密香濃，但略嫌油香唔夠，如果紫菜脆口D就更好啦！
呢個自選set仲有得揀中拖羅！中拖羅既有濃重嘅魚味，又有魚油嘅脂香，入口即化，好滿足！
每一款刺身都用料新鮮又靚料，雖然米飯可以握得再緊實一D，但選用嘅宮崎縣一見鍾情米米飯軟硬適中帶米香，以呢個價錢來講，可謂落足本！
午市除咗有自選壽司set之外，仲有自選三色丼以及不同壽司定食，價錢最平只係$78，喺尖沙咀呢一區嚟講，性價比好高呢！
张贴
