花月宮 (已結業)

今日行開婚紗街嗰邊一直都知嗰邊有好多韓式餐廳，估唔到最近竟然新開左間主打火鍋非常出色嘅餐廳。餐廳嘅裝修帶有好多中國風裝飾十分古色古香。一坐低侍應就拎咗九宮格嘅調味盤我哋調味，呢度有好多嘅湯底選擇今次揀咗麻辣湯底，啲湯底仲可以選擇辣道嫁，呢個麻辣湯底入邊仲有附送左蜂巢豆腐同埋鴨血添。美國頂級牛切封門柳估唔到碟手切封門柳牛味濃郁，雪花分布平均肉質柔軟令人食唔停口。風花雪月手打丸拼盤個拼盤一共有12粒手打丸，包括有鮑魚丸鮮丸墨魚丸，流心芝士蝦丸等等，我自己就最鍾意食個鮑魚丸，因為真係食到一粒粒既鮑魚肉嫁喺平時比較少見。新鮮牛黃喉牛黃喉唔係好多餐廳可以食到，估唔到竟然可以喺度食到！只需要恰一分鐘就食得入口非常爽口，一試難忘。自家製脆炸響鈴一共五件新鮮即炸非常脆口，就算唔放入湯底，就咁食都已經好好食。娃娃菜非常新鮮入口鮮甜。稻庭烏冬烏冬基本唔會令人失望麵質煙靭滑口。整體來講餐廳質素高上，環境闊落令人坐得舒服，侍應服務都非常友善值得下次再嚟。