影片
更多
2022-08-31
19 浏览
鳥鑫 (尖沙咀)尖沙咀厚福街12-12A號藍馬商業大廈21樓梅子甜酒65梅子汁調配，酒精濃度較一般果酒高，不過一少杯一般人都可以應付，唔需要很大酒量，清清甜甜有很輕微嘅酒辣味。蘋果甜酒65同梅子酒一樣，果汁部分用咗蘋果汁，酸度較低。前菜清爽生菜同清甜雪梨條，有自家製麵豉醬，鹹甜味調得啱啱好，有濃郁麵豉味，前菜非常爽脆清新。酒盜芝士78有濃郁煙燻味，酒盜嘅味道同口感都相當似煙三文魚，但係色澤就好唔一樣，有鹽醃嘅海洋風味，捲住一口cream cheese，喺嘴裏面化開，滋味無比！生蠔🦪78獨眼龍生蠔，好大size，淨望已經覺得好肥美，鮮甜多汁，有濃郁嘅海水味，肉質非常細嫩，整個口感都係滑溜溜，不費齒力就可以咬開，好Juicy嘅鮮甜隨即滿嘴！紫蘇雞胸38紫蘇葉有清香嘅香料味，好微少嘅薄荷感，同雞胸肉一齊嚟燒，整個清新嘅味道同嫩滑嘅雞肉，再帶少少碳烤味，相當正！雞肩肉38雞肉好鮮嫩，肩位油脂分布平均，肉質非常軟熟有啲彈牙。日本銀杏32輕微澀味帶甜，第一次試網燒白果，質感獨特。多春魚38香脆無刺成條啪，魚皮烤得好香，魚肉好滑溜而且有鮮味，好味！雞軟骨38脆卜卜好好嚼，好香口。京蔥雞48烤京蔥口味
尖沙咀厚福街12-12A號藍馬商業大廈21樓
梅子甜酒65
梅子汁調配，酒精濃度較一般果酒高，不過一少杯一般人都可以應付，唔需要很大酒量，清清甜甜有很輕微嘅酒辣味。
蘋果甜酒65
同梅子酒一樣，果汁部分用咗蘋果汁，酸度較低。
前菜
清爽生菜同清甜雪梨條，有自家製麵豉醬，鹹甜味調得啱啱好，有濃郁麵豉味，前菜非常爽脆清新。
酒盜芝士78
有濃郁煙燻味，酒盜嘅味道同口感都相當似煙三文魚，但係色澤就好唔一樣，有鹽醃嘅海洋風味，捲住一口cream cheese，喺嘴裏面化開，滋味無比！
生蠔🦪78
獨眼龍生蠔，好大size，淨望已經覺得好肥美，鮮甜多汁，有濃郁嘅海水味，肉質非常細嫩，整個口感都係滑溜溜，不費齒力就可以咬開，好Juicy嘅鮮甜隨即滿嘴！
紫蘇雞胸38
紫蘇葉有清香嘅香料味，好微少嘅薄荷感，同雞胸肉一齊嚟燒，整個清新嘅味道同嫩滑嘅雞肉，再帶少少碳烤味，相當正！
雞肩肉38
雞肉好鮮嫩，肩位油脂分布平均，肉質非常軟熟有啲彈牙。
日本銀杏32
輕微澀味帶甜，第一次試網燒白果，質感獨特。
多春魚38
香脆無刺成條啪，魚皮烤得好香，魚肉好滑溜而且有鮮味，好味！
雞軟骨38
脆卜卜好好嚼，好香口。
京蔥雞48
烤京蔥口味相當清新，雞肉肉質鮮嫩，味道濃郁。
蒜香牛肉48
牛肉嫩滑有微蒜香，再配合埋濃郁味噌，日系風味十足！
日本青椒仔28
青椒仔有啲啲辣，口感清爽，上面舖嘅木魚絲輕身，因微熱而有動感，木魚同青椒味道好夾，好味！
白鱔58
肉質鮮嫩滑，啖啖肉完全無刺，外脆內軟，味道鮮甜。
雞全翼58
皮薄香脆肉嫩，調味得宜非常惹味，平凡菜式盡顯不平凡滋味！
明太子茶漬飯78
脆卜卜明太子同甘香有飯香嘅日本米，加入茶漬同wasabi非常惹味，湯飯嘅口感，日式嘅風味！
沾麵
相當濃郁嘅蛋味沾醬，配合超彈牙爽滑嘅麵，味道淡雅而不寡，口感更加係一絕，太好味！
巨峰梳打38
巨峰味甜，梳打微酸帶氣，清涼消暑。
乳酸梳打38
你今日飲咗未嘅味道，梳打酸化有氣，入口相當有質感。
燒菠蘿🍍
菠蘿鮮甜多汁，冇因為烤過而水乾，表層嘅焦糖額外一份甜，係最後一道主打日式燒烤嘅甜品！
张贴
