影片
更多
2022-12-31
412 浏览
今日想同大家介紹呢一間來一燙佢係一間類似車仔麵嘅餐廳之前喺尖沙咀返工諗唔到食咩一個同事介紹我去 之後就上癮了鍾意食辣嘢嘅朋友一定唔可以錯過.來一燙，主打自己揀餸同面底 好似車仔麵咁樣可以揀嘅餸有超多款式，麵底都有好多俾大家任君選擇我次次去到我同朋友都係一個食紅薯粉 一個食米線尋日同朋友去食，朋友試咗拉麵底本身其實覺得拉麵加麻辣湯底好似有啲奇怪但係竟然有驚喜 朋友話好好食同個湯底意外地好夾佢哋嘅湯底都真係需要推介一下麻辣燙有得分大中小辣，連麻嘅程度都可以選擇湯底係成碗面嘅靈魂之處如果一碗麵幾好食 湯底唔好味都唔會好食呢一間嘅湯底真係我食過入邊算係最出色嗰間我叫小辣己經覺得好嘢味之後就係可以揀4餸/6餸/8餸唔知大家會唔會有陰影通常喺出邊食啲車仔麵你要啲餸越多每一款餸嘅份量就會變得越小但係呢間唔同 佢哋餸嘅份量我覺得依然係一樣咁多因為我通常叫6個餸，我嘅習慣係一啖餸一啖面咁樣食但係食到最後會食到冇晒麵 都仲有好多好多餸😂所以由此可見佢哋真係好足料.以我特別推介嘅就係豬大腸因為佢哋嘅豬大腸真係好林好好味呢一樣係我每一次去都會叫嘅.之後就係佢哋嘅雞中翼 又係我每一次都會嗌嘅分量佢係會比兩隻,,
佢係一間類似車仔麵嘅餐廳
之前喺尖沙咀返工諗唔到食咩
一個同事介紹我去 之後就上癮了
鍾意食辣嘢嘅朋友一定唔可以錯過
.
來一燙，主打自己揀餸同面底 好似車仔麵咁樣
可以揀嘅餸有超多款式，麵底都有好多俾大家任君選擇
我次次去到我同朋友都係一個食紅薯粉 一個食米線
尋日同朋友去食，朋友試咗拉麵底
本身其實覺得拉麵加麻辣湯底好似有啲奇怪
但係竟然有驚喜 朋友話好好食同個湯底意外地好夾
佢哋嘅湯底都真係需要推介一下
麻辣燙有得分大中小辣，連麻嘅程度都可以選擇
湯底係成碗面嘅靈魂之處
如果一碗麵幾好食 湯底唔好味都唔會好食
呢一間嘅湯底真係我食過入邊算係最出色嗰間
我叫小辣己經覺得好嘢味
之後就係可以揀4餸/6餸/8餸
唔知大家會唔會有陰影
通常喺出邊食啲車仔麵你要啲餸越多
每一款餸嘅份量就會變得越小
但係呢間唔同 佢哋餸嘅份量我覺得依然係一樣咁多
因為我通常叫6個餸，我嘅習慣係一啖餸一啖面咁樣食
但係食到最後會食到冇晒麵 都仲有好多好多餸😂
所以由此可見佢哋真係好足料
.
以我特別推介嘅就係豬大腸
因為佢哋嘅豬大腸真係好林好好味
呢一樣係我每一次去都會叫嘅
.
之後就係佢哋嘅雞中翼 又係我每一次都會嗌嘅
分量佢係會比兩隻,,但係完全唔覺得係整定
次次食都會覺得係新鮮整嘅
呢一樣嘢真係令我大大加分
.
其他餸 我就會建議大家叫一啲比較吸湯嘅餸
例如豆卜 蘿蔔嗰啲
因為佢哋嘅湯底真係非常之出色
令到每一樣餸都會變得好野味
.
其實最重點都係唔知大家有冇喺尖沙咀食嘢嘅習慣
通常啲嘢好多都有貴又唔好食
要搵一間平平哋又好食嘅餐廳 真係唔容易
但係呢一間餐廳令到我覺得好好
就係佢哋唔單止價錢平民，份量足料
而且味道都非常之高質
所以真心推介大家去試吓餐廳！！
餐廳唔係太大 所以有好多時候都要排隊的
但係排隊嘅時間都唔算太耐
所以建議大家可以耐心等候
因為喺尖沙咀搵又平又高質嘅餐廳真係唔容易
23 浏览
1 赞好
0 留言
张贴
