天下毛湘 (裝修中)

香港食湘菜唔係好多地方有得食，最近發現山林道一間新店「天下毛湘」原來主打食正宗湖南菜。門外紅色燈籠高高掛， 入內裝修古色古香，好有古代格調。入內店員非常有禮，簡單說明餐牌的選擇，然後送上熱茶，佢哋嘅茶味道好特別，有種似曾相識的感覺，我在廣州食正宗湖南菜的時候，也有這種茶香。同家姐兩個人都想食香辣酸菜無骨鱸魚片 （小辣）$288， 魚片香滑，酸菜魚湯非常鮮甜。山林串燒八支 $168， 可選鹽燒或香辣，我哋選擇牛肉雞肉各一半及香辣，孜然粉的味道一向我最喜歡再加辣椒說非常惹味。竹籠蒸素餃子$88原來湖南菜的餃子係細細粒，同我平時食北京素餃子好大分別，但係佢哋嘅餡料全部素菜，清爽又入味，我食到唔停口😋走的時候發現門外有一個室外位置，牆上的室外壁畫非常有氣派。下一次可以坐室外享受美食，又係另一番風味。