喜聚燒 (已結業)

📍喜聚燒位於尖沙咀既喜聚燒主打串燒，而且仲有鑊仔雞食，即刻忍唔住過黎試試，裝修偏日系，座位都好闊～👅喜聚鑊仔麻辣雞（半隻） $198係呢到既招牌菜之一，好有鑊氣，用鑊仔開住個細火黎keep住個溫度，醬非常惹味，開頭唔覺得辣，食落都有少少後勁，有需要都可以加辣。👅燒蟶子皇 $78原條大蟶子，燒完都無縮水，味道鮮甜爽口，食得出好新鮮。👅燒茄子（孜然）$29去食串燒次次都會叫燒茄子，今次都無令我失望，孜然加茄子呢個組合都好夾好惹味。👅燒玉桂焦糖金菠蘿 $38燒菠蘿超甜超多汁，上台切到三角形，面頭有少少燒過既焦糖，食入口有脆皮感覺👅海鹽燒皇牌牛舌 $49牛舌好厚身，食入口肉質好爽，調味岩岩好👅蒜茸燒廣島生蠔 $78總共有3隻生蠔，隻隻望落去都好肥美，食落去海水味都幾重，調味適中，無咩蠔腥味，都算新鮮。