ROYAL INN

今日行行吓尖沙咀The One發現咗呢間裝修得好華麗嘅宮廷打卡西餐廳。店內的精緻巴黎凱旋門和古典水晶燈，彷如瞬間置身巴黎般浪漫。門口就已經見到米白色嘅裝修同迷你“凱旋門”，皇宮style既打卡位置，10分IGable，好啱情侶或者閨蜜傾偈好地方。咁啱我同男朋友被安排到窗邊位置近值一讚因為可以眺望整個尖沙咀鬧市嘅夜景。我哋見到佢做緊個生蠔優惠買六送六，我哋要咗一打當慶祝下。生蠔10分肥美新鮮，有淡淡的海水味，好清甜有鮮味！仲要size大大隻，呢個價錢來講算10分抵食，配埋個夜景，10分浪漫。我哋要咗個蘆筍做前菜，蘆筍夠翠綠新鮮食落有淡淡牛油香。煮食要咗個帶子意大利飯，帶子大大粒，雖然份量唔算話太多，但勝在有質素意大利飯粒粒分明，軟硬適中，食落好creamy!之後再要咗個雞卷配薯蓉，賣相好華麗，雞肉都好嫩！整體餐廳食物質素對得住個價錢，正所謂一分錢一分貨係唔錯嘅選擇。