Library Restaurant and Bar

营业中

休息中

今日嚟到尖沙咀呢一間餐廳食飯，餐廳位置去尖沙咀地鐵站A出口對面行過去只係一條馬路之隔，我覺得都相對非常方便，搭𨋢上3樓就會見到！今日我哋安排咗坐入邊，我哋嗌咗一個小食兩個主食，黑松露炸薯條非常香脆，食得出係即叫即做，餐廳會比黑松露醬同埋茄汁我哋，正！蜆肉意粉亦都非常正！蜆肉嘅份量非常多，我哋見到最少都有10粒以上，每一隻都非常飽滿同埋新鮮，非常大粒，餐廳絕對唔會手軟！再配埋扁意粉食，調味亦都做得非常唔錯，蒜香味亦都非常足夠！ 另外我哋叫做一個慢煮豬扒，餐廳標榜係用慢煮，我同朋友都非常期待！每一件都非常鮮嫩，而且因為用慢煮棒，所以唔會有過熟嘅效果！配菜方便亦都有火箭菜，蘑菇蘆筍同埋薯蓉，非常豐富！薯蓉嘅口感亦都非常creamy, 配埋慢煮豬扒食非常好味 餐廳另一個最大嘅特色就係有一個好靚嘅綠色酒吧！鍾意飲酒嘅我同朋友當然唔會少得叫兩杯Cocktail試吓！我就揀咗一杯，以白蘭樹下gin製成嘅cocktail! 口感嚟講，亦都唔會太strong, 相對容易入口，甜甜地非常好飲，晚餐送飯一流！下次會再上嚟試吓其他野食/飲，地點非常方便，一定會再返嚟