圓山台灣料理 (已結業)

今日放假~決定同爸爸一齊出去尖沙咀睇戲~睇戲之前因為好耐冇飲過茶啦~而爸爸又提起之前同事係附近食過又大推呢間圓山台灣料理~所以我哋兩個就決定睇戲前飲番餐茶先~個餐牌都幾多點心同小菜簡啊! 有選擇困難症既我將落單既決定交哂比爸爸負責XDD我地兩個冇食早餐~所以都叫左唔少野食XD~叫咗圓山招牌炒飯~個飯炒得好香!啲飯炒到一粒粒!入面配料都幾足料~有蝦有帶子粒有叉燒有蔥~幾夠鑊氣~上枱熱辣辣好好食~仲有懷舊水晶鮮蝦餃~平時出面啲酒樓都係得四粒蝦餃、甚至有D衰啲嘅只係得三粒!!!但係!!呢度竟然有五粒呀!!我地見到都嘩左出黎!而且粒粒都皮薄餡又夠大!又晶瑩剔透!!好食!紅油炒手~爸爸好鍾意呢個紅油炒手呀，因為唔會一味得個辣字，個皮又夠薄，一口一粒炒手，非常之惹味，所以佢好快就自己一個人食曬成碟~另外仲有招牌極品流沙包，呢個流沙包真係不得了! 流沙非常之咁香濃，我未食過一個流沙包個蛋黃味係咁重!睇得出真材實料，太感動既我決定唔理卡路里~自己一個人食咗兩個流沙包~嘩哈哈哈!!仲叫咗台式炆豬手、台式小籠包同生拆鮮蝦腸粉~小籠包上枱熱辣辣~皮薄餡料又足~冇乜嘢可以挑剔~爸爸就好鍾意個豬手炆得入味又夠淋