海記合桃坊甜品 (已結業)

晚上食左一個令人憤怒又唔飽既晚餐，所以決定要食番個又甜又滿足既甜品，平衡番唔開心既心情😅。仲記得上星期五黎果陣大排長龍，今次好好彩唔駛等就可以入座😃。餐牌中有幾款甜品都好吸引我，但想食芋圓既關係，最終揀左喳咋芋圓$32芋圓香芋味較淡、紅薯同紫薯味比較好，但芋圓整體口感偏淋，唔夠煙韌，雖然唔算差，但自從食過太子果間芋圓甜品店後就返唔到轉頭🤣。不過呢度既喳咋比太子果間好，芋頭多、料夠足，重點係個人中意杰質地既喳咋，呢個正正係我杯茶☺️。紫薯雪糕芋圓西米露 $32紫薯雪糕係甜左少少，不過食得出真係啖啖紫薯，雪糕有驚喜😮。其間見到隔離枱點左個沙沙合桃糊，顏色夠深、夠杰、而且仲有香口飄埋黎，下次如果黎既話，一定要試佢。