味道樂居酒屋 (河內道) (已結業)

今日到尖沙咀k11購物完順便在附近食晚餐，看見這間“味道樂”日本居酒屋，之前在長沙灣元州街嗰間食過覺得非常滿意，原來尖沙咀都有分店，地點就相當方便在k11對面又係地鐵站出口，店舖外觀跟長沙灣分店相似，簡約和風。前菜小食叫了兩種“三點漬物”和“流心芝士魚餅”。“三點漬物”醬油牛蒡和蒜頭醃製得好入味牛蒡清甜爽脆，蒜頭爽口不會辛辣， 芥辣八爪魚如可以厚砌大粒些就更好。“流心芝士魚餅”燒得剛好，內裡芝士流心融化整個魚餅，好滋味。“大蔥特上吞拿魚腩卷”吞拿魚腩蓉鋪滿壽司飯上，一啖一口好滿足。“清酒大蜆”熱辣辣清酒湯底配上大大隻蜆肉鮮甜，但要盡快吃否則浸在熱湯底太耐就會過熟影響口感。“ 石頭鰻魚炒飯”上次試過原條鰻魚飯非常吸睛又好味，今次試下用石窩鰻魚炒飯，雖然不是成條上但係味道更惹味，因為石鍋熱辣辣鰻魚肉碎拌埋一起炒飯味道更香口， 飯面鋪上幾片厚身鰻魚塊都好豐富。