一品活蝦 (已結業)

約咗個朋友去尖沙咀食飯 ，就搵到呢間台式居酒屋，餐廳環境氣氛輕鬆，仲有多款台式啤酒飲品，配埋小菜大蝦，真係幾啱同朋友傾偈啤啤佢。鹽嗆蝦 餐廳入邊就有個魚缸入邊有勁多生猛嘅大蝦，個人鍾意簡單啲，雖然佢有好多款口味嘅做法，呢個鹽嗆蝦，就可以好好地食到蝦嘅鮮味，仲要有好多隻蝦入邊都多膏。紅麴燒肉送酒嚟講呢樣餸真係幾好，出邊香脆，入邊係醃製過嘅豬肉，送酒嚟講呢啲香口嘅餸就最啱。腐乳空心菜腐乳空心在就正常發揮，蔬菜新鮮，調味適中。魚汁麵線麵線佢上邊會有啲蒜蓉，所以佢嘅麵線整體上會比較重蒜蓉味道，都係屬於香口類型嘅餸。芒果冰茶 / 荔枝啤酒佢飲品又幾有驚喜， 佢有多款台灣啤酒嘅無酒精同有酒拎嘅嘢飲。 芒果冰茶佢係有氣既，飲落去又有啲啤酒嘅感覺。 而荔枝啤酒，甜甜地幾香荔枝嘅味道，冇咩啤酒嘅苦澀味。 見到佢仲有間VIP房仔 ，如果人多有間房仔食飯吹吓水真係唔錯。