牛品台式火鍋

营业中

休息中

Item: 牛品台式火鍋
Rating: 4
Author: 胶龙兔猪

Beef Bang Taiwanese Hot Pot

4.5

666 食记

味道

环境

服务

卫生

抵食

25296

尖沙咀

$101-200

台湾菜火锅

594

胶龙兔猪

等级4

251

📌 牛品台式火锅 - 尖沙咀乐道32-34号1楼🗓(28/8) 星期一 ⏰ 晚上6:30左右 💈特式：今年夏天好似无乜料到，转眼间已经开始有入秋嘅感觉，我就趁机不断出动打边炉了，今日就同大家嚟食间位于尖沙咀乐道嘅台式任食火锅店。🥩🍔🌭🌮🥗🥯🥘🍲🍝🍣🥟🍤🍱食物：佢地晚市套餐就系食120分钟，收费就就分左4个等级(上/极/御/殿)，食材同食物种类当然会有所分别，最贵个set会有日本进口A4和牛任食，但价钱都唔平，所以我就拣个我觉得抵食d嘅「牛御品」餐，而家等我同大家讲下🇹🇼🍲味道先。🐮🍲 「牛御品」吃到饱套餐 $3️⃣1️⃣9️⃣ - 因为啱啱赶到18:30前入座，所以价钱会比黄金时段平成$40蚊，感觉就更加抵，呢个套餐都已经包左任食澳洲M9和牛肩胛肉，每位一只鲜鲍鱼同一杯春阳茶事特饮。🥘汤底 - 汤底种类就有10款选择，如果拣鸳鸯锅就要加$50，当中我就觉得「红烧一品锅」/「沙茶海鲜锅」/「元气养生锅」最吸引，最尾我就拣左「元气养生锅」，贪佢够滋补，汤底入面有好多药材，好似平时屋企煲汤咁，仲要无加味精，真系可以当汤水咁饮。🐮牛类 - 呢个餐有8款不同牛种类可以任食，当中我最推介系封

569 浏览

3 赞好

0 留言

🐮🍲 「牛御品」吃到饱套餐 $3️⃣1️⃣9️⃣ - 因为啱啱赶到18:30前入座，所以价钱会比黄金时段平成$40蚊，感觉就更加抵，呢个套餐都已经包左任食澳洲M9和牛肩胛肉，每位一只鲜鲍鱼同一杯春阳茶事特饮。

🥘汤底 - 汤底种类就有10款选择，如果拣鸳鸯锅就要加$50，当中我就觉得「红烧一品锅」/「沙茶海鲜锅」/「元气养生锅」最吸引，最尾我就拣左「元气养生锅」，贪佢够滋补，汤底入面有好多药材，好似平时屋企煲汤咁，仲要无加味精，真系可以当汤水咁饮。

🐮牛类 - 呢个餐有8款不同牛种类可以任食，当中我最推介系封门柳，估唔到佢出色程度竟然仲盖过澳洲M9和牛肩胛肉，质素真系近期食过最好嘅封门柳，入口淋滑有肉味，而且每碟质素好平均，此外牛板腱/牛脷心托表现都唔错，不过就偏薄左少少，如果可以厚返少少就好喇。
另外肉类处理方面亦做得几好，每碟肉上到枱系可以轻松逐片夹起，唔会雪到实晒，又或者过份解冻到痴埋一叠。

🐷🐐🐔猪羊鸡类 - 猪类就有西班牙栗饲猪梅肉同猪五花，羊类就有纽西兰进口羊肉卷，鸡就系自家制花雕醉鸡件。

🦐🐟🐙🦑海鲜 - 海鲜都包左纽西兰青口/海虾/蚬/台湾墨鱼仔/深海鱼柳，除左鱼柳之外，我都试晒，整体都几新鲜，海虾几大只同无雪味。

火锅配料 - 电子落单同自助区加埋嘅火锅料都唔少，当中有唔少种类比较有台湾特式嘅都做得唔错，例如手打虾滑/花枝浆/韭菜鱼饼/燕饺/台式蛋饺/芝士炸蛋/高丽菜猪肉水饺/麻吉烧/黄金鱼豆腐/樱花虾饼等等。
面类亦有台湾出名嘅王子面/新竹米粉/乌龙面/蒸煮面。

9 浏览

0 赞好

0 留言

🥬蔬菜 - 菜及素食类选择亦唔少，真系想食咩菜都有，蔬菜质素亦好新鲜，当中水莲同紫萝卜必食。

🇹🇼台湾小食 - 台湾小食种类算几多选择，我叫个餐有超过30款小食同夜市熟食可以拣，我都叫左当中10款有多，每款都真心好食，完全无伏，尤其是系佢地d卤水食物，更为出色。

🍨甜品 - 甜品自助区就有Haagen-Dazs雪榚任食，仲有好多台湾特式toping比你自制喜欢嘅口味。

☕️🍵🥤🧋🍺🍷🥃🍹🧉🍾🍶🥛
饮品 : 我食个set每人会送一杯春阳茶事特饮，其他饮品都系自助形式，自行出去大雪柜度攞，包括好多款罐装汽水，梳打水及台式饮品，餐厅仲有几款无糖系列冷泡茶，我试左当中2~3款茶类，整体都唔错。

🍽环境：餐厅占地都几大，有不少卡位，坐位非常阔落舒服，此外出面酱料区同自助区好大，分类又整齐，同埋都keep得好干净卫生，餐厅整体光猛企理。

24 浏览

0 赞好

0 留言

🤵🏻🤵🏻‍♀️🤵🏻‍♂️服务：餐厅主力用QR Code落单，一埋位职员都好用心介绍menu/自助区/洗手间位置等等，态度认真唔错，上菜/收碟速度都好迅速，亦无漏单/扣单情况出现。

💰💸价钱：系尖沙咀区大约$3️⃣0️⃣0️⃣就可以任食台式火锅，仲有澳洲M9和牛肩胛肉及多款火锅配料/台式小食/甜品等等任拣任食，质素又好，价钱绝对合格。