Whatever Bar & Restaurant (已結業)

今日去完尖沙咀廣東道Apple Store處理維修，攪掂都已經5點零6點鐘。於是決定喺附近買外賣返去做晚餐。今次記揀咗喺流尚坊4樓嘅Whatever Bar & Restaurant。食物定價合理，眼見餐廳環境都舒服，下次可以試下堂食。Crispy Avocado w/Honey Mustard Sauce天婦羅做法嘅牛油果我都係第一次食，外皮香脆，裡面軟軟，再貼埋蜜糖芥末醬，令味道層次升級。估唔到牛油果可以咁食法。Grilled Octopus with Garlic Herbs & Bango Sauce依個小食，雖然八爪魚先係主菜，但我覺得醬汁更加出色。汁醬充滿蒜香茄汁味，酸酸甜甜的，同八爪魚好夾。而食依個小食嘅時候，唔應該用叉食，而係用匙羹，將八爪魚連埋啲醬一大匙羹咁一齊放入口。Pan-fried A.O.P Spaghetti 一個好簡單嘅意粉，但要整得好食，都要有一定嘅功夫同實力。依味清炒蒜香辣椒橄欖油義大利粉，不論辣度、蒜香比例都調配得好好，非常之咁惹味。真係好味嘅嘢其實可以好簡單。