霸吗拉面

次次經過都見好多人排隊，今次晏就同男朋友就決定去試試，等左大約20分鐘，其間見大部分係遊客食多。

因為我地兩個都鐘意食辣就決定食辣湯底，豚肉湯頭香味十足但味道只屬一般，油份過重，肉炙燒得唔錯，不過做唔到入口即溶。雞卷拉麵可能唔岩我口味啦，雞卷係唔嚡口，但無雞味好似咬緊舊唔知咩肉咁－ －"，自家製麵條還可以，比一風堂好。

中午可以有優惠價錢追加餃子同炸雞，我覺得哩兩款小食都唔差呀反而，餃子皮薄煎得剛好，炸雞保持到肉汁，唔駛點汁都夠晒味！總括味道屬中間，如果你咁啱係尖沙咀區又想過下拉麵癮既，咁都合格既，但如果條龍要等30分鐘或以上，我就覺得唔值得等！

辛辣炙燒豚肉味玉拉麵

$93

辛辣雞卷拉麵

餃子

炸雞件