首先值得一讚，出菜速度超快，不用5分鐘，就出了3碟
海南雞飯---個雞油飯唔似雞油飯，但好味，海南雞好滑有雞味，最正碟豉油，甘香得嚟又唔會太咸，賣$38好抵食
加多加多---大大碟夠哂菜食，個汁好好味，夠花生味
巴東牛肉---"諗"得嚟，唔會散哂，個味亦都幾香濃，唯一缺點就係太少
咖哩角---以$20價錢，呢個質素無得彈，熱到爆，辣度剛好
肉骨茶---我嫌佢唔夠藥材味，排骨都幾諗滑，可能迎合香港人
星洲蘿蔔糕---夠乾身，唔會成口油，用好多蛋去炒，不過唔夠辣，無星洲風味(又迎合香港人?)
總括而言：一定會再來
