愛上米線 (漆咸道南) (已結業)

我lunch最鍾意食米線,呢間❤︎︎愛上米線❤︎︎喺我公司附近，地方大，座位闊落座得超舒服👍🏻呢到啲下午茶好抵食🤩重有好多特式小食同飲品，我同朋友每人自選一碗米線，呢到自選配料款式多之餘重好特別🍜你地食完一次包你地都會好似鋪頭名一樣😂❤︎︎愛上米線❤︎︎我最後揀左粉腸，奇脆流心炸蛋，黃金豆腐磚蟲草花濃豬骨湯，粉腸真係好少見，整得夠淋又新鮮，完全無腥味👍🏻👍🏻🤤流心炸蛋係將隻雞蛋打落油到炸，食起上嚟都唔會好油，豆腐大大舊，外層炸過食落夠滑，湯底夠清又入味好岩我口味❤️朋友揀左豬膶，粉腸，肥牛片，風琴豆腐川香麻辣湯底，我朋友好食得辣架😍佢話個湯底夠麻夠辣，勁好食，我見佢食到冇停口😄佢話個風琴豆腐必食☞︎ 一串上總共有八舊，索埋個麻辣湯底勁香脆👍🏻小食嘅胡麻秋葵，原來呢個配搭好好食架又有益👍🏻奶黃金沙雞翼，呢個我推介必食之一🤤即叫即整，雖然係邪惡左少少，雞翼充滿住鹹香味又炸到脆卜卜，我同朋友一人食完兩隻都重想再食，懷舊蔥油餅配藤椒野菌雞粒，其實我本身麻麻地蔥油餅，但我朋友想食，所以我都試吓，佢整得外酥內嫩好香口🤤記得連埋野菌同雞粒一齊食，有少少辣好惹味👍🏻飲品我叫左凍奶茶，我朋友叫左芒果乳酸梳打🍹，內有粒粒爆珠